Şirkət haqqında: Rəqəmsal Tibbi Həllər MMC rəqəmsallaşma proseslərini həyata keçirmək, İT infrastrukturunu inkişaf etdirmək və idarə etmək məqsədi ilə fəaliyyət göstərir.
Missiyamız: Tibbi xidmətlərin keyfiyyətini artırmaq üçün texnologiya və rəqəmsal həllər vasitəsilə innovativ inkişafı dəstəkləmək.
Vizyonumuz: Tibbi sahədə davamlı rəqəmsal inkişafı təmin etmək və bu prosesdə yüksək peşəkarlıq nümayiş etdirmək.

Vakansiya haqqında: Strateji İnkişaf və Layihələr Şöbəsinin Baş Məsləhətçisi vəzifəsi təşkilatın rəqəmsal strategiyasının həyata keçirilməsi və informasiya texnologiyalarının effektiv idarə olunmasında mühüm rol oynayır. Bu vəzifə çərçivəsində namizəd IT siyasət və prosedurlarının hazırlanması, uyğunluq və risklərin idarə olunması, eləcə də idarəetmə çərçivələrinin (COBIT, ITIL və s.) tətbiqinə cavabdeh olacaq. Əsas məqsəd — texnoloji təşəbbüslərin biznes məqsədləri ilə uyğunluğunu təmin etməkdir.

Vəzifə öhdəlikləri

• İT xidmətlərinin idarəedilməsi proseslərini analiz etmək, yeniləmək, siyasət və strategiyalar hazırlamaq.
• Proses sahiblərinə rəhbərlik və koordinasiyanı təmin etmək.
• İT strategiyasının hazırlanması və həyata keçirilməsinə qatılmaq.
• Effektivliyi ölçmək, KPI-ları izləmək və keyfiyyətə nəzarət sistemləri qurmaq.
• Mərkəzləşdirilmiş İT alətlər dəstinin optimallaşdırılmasını təmin etmək.
• Yeni təkliflər hazırlayıb rəhbərliyə təqdim etmək.

Tələblər

• İT proseslərin idarəedilməsi və əlaqəli sahə üzrə minimum 1 il iş təcrübəsi.
• İT infrastruktur, informasiya təhlükəsizliyi və sistem idarəetməsi üzrə texniki biliklər.
• ITIL və COBIT üzrə dərin biliklər.
• Analitik düşüncə və yüksək kommunikasiya bacarıqları.
• Scrum və Agile metodologiyaları üzrə təcrübə.

Biz nə təklif edirik

• Ən son texnologiyaların istifadəsi və tətbiqi
• Çevik iş rejimi
• Tibbi sığorta
• Təlim proqramlarına çıxış
• Sosial və peşəkar tədbirlər
• Rəqəmsal tibb layihələrində iştirak imkanı
• Karyera İnkişaf İmkanı

Rəqəmsal innovasiyaların tətbiqini əsas dəyər kimi qəbul edən komandamıza qoşulmaq istəyirsiniz?
Əgər texnologiyalara marağınız, yüksək məsuliyyət hissiniz və komanda ilə effektiv əməkdaşlıq bacarığınız varsa, sizi potensial əməkdaş kimi qiymətləndirməkdən məmnun olarıq.

Uyğun namizədlərdən, müraciətlərini (CV/Resume ) talent@rth.gov.az elektron poçt ünvanına göndərmələri xahiş olunur.
Qeyd: Yalnız ilkin seçim mərhələsini uğurla keçən namizədlərlə əlaqə saxlanılacaqdır.