Sizə necə kömək edə bilərik ?
Rəqəmsal tibbin inkişafı üçün qabaqcıl texnologiyaların tətbiqini peşəkar fəaliyyət və innovativ yanaşma ilə daha asan edirik.
“Rəqəmsal Tibbi Həllər” Məhdud Məsuliyyətli Cəmiyyəti Azərbaycan Respublikasının Prezidenti cənab İlham Əliyevin 1 may 2023-cü il tarixli 2130 nömrəli Fərmanına əsasən təsis edilmiş “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) tərkibində yaradılmışdır. Cəmiyyətin fəaliyyətinin əsas məqsədi TƏBİB və onun tabeliyində olan tibb müəssisələrində İT infrastrukturunun qurulması, iş prosesinin rəqəmsallaşdırılması, eyni zamanda səhiyyə sahəsi üzrə ölkə miqyasında rəqəmsallaşdırma strategiyasına uyğun olaraq TƏBİB və onun tabeliyində olan tibb müəssisələri üzrə informasiya texnologiyaları startegiyasının hazırlanması və həyata keçirilməsindən ibarətdir.
+
Uğurlu layihə
+
İstifadəçi sayı
+
Əməkdaş sayı
İşə qəbul olunanlar və ali məktəblərə, kolleclərə, liseylərə daxil olan abituriyentlər üçün sağlamlıq haqqında arayı eyni zamanda sürücülük vəsiqəsinin əldə edilməsi üçün təqdim edilən sürücülüyə yararlı olmaq haqqında tibbi arayış nümunələrinin elektron forması yaradılmışdır. Bu layihənin icrası vətəndaşlar üçün sözügedən arayış nümunələrinin elektron versiyalarını əlçatan etmişdir. “E-TABİB” mobil tətbiqi və http://kabinet.its.gov.az/ veb-səhifəsindəki şəxsi kabinetlərinin müvafiq bölmələrindən TƏBİB-in tabeliyində fəaliyyət göstərən tibb müəssisələri tərəfindən təqdim edilən bu arayışların elektron versiyalarının əldə edilməsi mümkündür. Sağlamlıq və Sürücülüyə yararlı olmaq barədə olan arayış nümunələrinin vətəndaşlar üçün əlçatanlığının təmin edilməsi məqsədilə sözügedən arayış nümunələrinin elektron verisyaları hazırlanmış, həmçinin zəruri məlumatlar üzrə Daxili İşlər və Əmək və Əhalinin Sosial Müdafiəsi Nazirliklərinin əlaqəli sistemləri ilə məlumat mübadilələri həyata keçirilmişdir
TƏBİB-in beynəlxalq standartlara cavab verən, istifadəçiyönümlü həmçinin eşitmə, görmə və hərəkət qabiliyyəti məhdud olan insanların istifadəsi üçün də nəzərdə tulumuş rəsmi internet səhifəsi (https://tabib.gov.az/) yaradılmışdır. Veb səhifədə vətəndaşlar üçün önəmli məlumatların əlçatanlığı təmin edilmişdir. Eyni zamanda, vətəndaşların veb səhifə vasitəsilə elektron xidmətlərdən istifadə imkanı da yaradılmışdır.
İcbari Tibbi Sığorta üzrə Dövlət Agentliyinin yenilənmiş saytında (https://its.gov.az/) tibb müəssisələrinin axtarış sistemi vasitəsilə vətəndaşlar lazım olan tibbi xidmətin hansı tibb müəssisələrində göstərildiyini müəyyən edə, müxtəlif kateqoriyalar üzrə, həmçinin tibbi ərazi bölmələri (TƏB) və ya şəhərlər üzrə tibb müəssisələrini axtarışa verə, xəstəxananın əlaqə vasitələri, ünvanı və xəritə üzərindən məkan koordinatları ilə tanış ola bilərlər. Xidmətlər Zərfi üzrə axtarış sistemi üzərindən isə tibbi xidmət və onun müqabilində Dövlət Agentliyi tərəfindən xəstəxanaya ödənilən məbləğlə tanış olmaq mümkündür.
2024-01-08 10:26:22